Каардынацыйная рада 3-га скліканьня падтрымала прапанову аб стварэньні беларускіх вайсковых падразьдзелаў у складзе Ўзброеных сілаў замежных краінаў, паведаміў тэлеграм-канал фракцыі «Воля».
У падтрымку прапановы выказаліся 36 сяброў КР, супраць — 5, устрымаліся — 3. Яшчэ 33 ня ўдзельнічалі ў галасаваньні.
ГЛЯДЗІЦЕ ТАКСАМА: «Разумею, што будуць размовы пра маё мінулае». Гутарка з новым сьпікерам Каардынацыйнай рады Арцёмам Бруханом28 траўня Аб’яднаны пераходны кабінэт (АПК) паведамляў аб правядзеньні праз плятформу «Свае» апытаньня, ініцыяванага шэрагам парамілітарных структураў і прадстаўніцтвам кабінэту ў абароне і нацыянальнай бясьпецы.
Мэтай апытаньня было ацаніць гатоўнасьць беларусаў да кантрактнай службы ў краінах НАТО ў складзе беларускіх фармаваньняў.
«Удзел у апытаньні ўзялі 590 чалавек, зь якіх больш за 500 выказалі зацікаўленасьць, а палова — адназначную гатоўнасьць да службы», — паведамілі ў АПК.
Камэнтуючы вынікі апытаньня, прадстаўнік Кабінэту абароны і нацыянальнай бясьпекі Вадзім Кабанчук адзначыў:
«Больш за паўтысячы нашых суайчыньнікаў выказалі гатоўнасьць далучыцца да такіх фармаваньняў — ад сілаў тэрытарыяльнай абароны да міратворчых місій і іншых падразьдзелаў».
Кабанчук назваў вынікі апытаньня «яшчэ адным крокам да стварэньня новай беларускай нацыянальнай арміі».
ГЛЯДЗІЦЕ ТАКСАМА: Беларускіх школьнікаў будуць вучыць кіраваць дронамі